Kknews24 नेटवर्क
डॉ. बाबासाहेब आंबेडकर यांच्या महापरिनिर्वाण दिनानिमित्त कामठी येथे भीम आर्मीच्या वतीने रक्तदान शिबिराचे आयोजन करण्यात आले. या उपक्रमाला उत्स्फूर्त प्रतिसाद मिळाला असून, ५४ रक्तदात्यांनी या शिबिरात रक्तदान केले.
या यशस्वी उपक्रमासाठी भीम आर्मीचे प्रशांत बनसोड, नरेश ढोके, प्रिन्स मेश्राम, प्रणय नितनवरे, रोहित गजभिए, कुणाल मेश्राम आणि शेखर ऊके यांनी विशेष परिश्रम घेतले. हा उपक्रम सामाजिक बांधिलकी व डॉ. बाबासाहेब आंबेडकर यांच्या विचारांना श्रद्धांजली म्हणून कौतुकास पात्र ठरला आहे.
